മീന്‍ മുളകിട്ടത്

മീന്‍ മുളകിട്ടത്

ചേരുവകൾ

അയല-അരക്കിലോ
തക്കാളി-2
സവാള-പകുതി
ചെറുയുള്ളി-10
വെളുത്തുള്ളി-5
ഇഞ്ചി-ഒരു കഷ്ണം
പച്ചമുളക്-5
മല്ലിപ്പൊടി-ഒന്നര ടേബിള്‍ സ്പൂണ്‍
മുളകുപൊടി-ഒരു ടേബിള്‍സ്പൂണ്‍
മഞ്ഞള്‍പ്പൊടി-അര ടീസ്പൂണ്‍
പുളി-ചെറുനാരങ്ങാവലിപ്പത്തില്‍
ഉപ്പ്
വെളിച്ചെണ്ണ
കറിവേപ്പില

പാകം ചെയ്യുന്ന വിധം 

മീന്‍ കഴുകി ഇടത്തരം കഷ്ണങ്ങളാക്കി മുറിയ്ക്കുക. കഴുകി വൃത്തിയാക്കി ഇതില്‍ മഞ്ഞള്‍പ്പൊടി, ഉപ്പ് എന്നിവ പുരട്ടി 1 മണിക്കൂര്‍ വയ്ക്കുക. ഒരു മീന്‍ചട്ടിയില്‍ വെളിച്ചെണ്ണ ചൂടാക്കുക. ഇതില്‍ വെളുത്തുള്ളി ചതച്ചത്, ചുവന്നുള്ളി നീളത്തില്‍ അരിഞ്ഞത്, ഇഞ്ചി, പച്ചമുളക്, കറിവേപ്പില എന്നിവ ചേര്‍ത്തു വഴറ്റുക. ഇത് നല്ലപോലെ വഴുന്ന വരുമ്പോള്‍ സവാള നീളത്തില്‍ അരിഞ്ഞതും തക്കാളി അരിഞ്ഞതും ചേര്‍ത്തു നല്ലപോലെ വഴറ്റണം. തക്കാളി നല്ലപോലെ ഉടഞ്ഞു ചേരണം. ഇതിലേയ്ക്ക് പുളി പിഴിഞ്ഞ വെള്ളം ചേര്‍ക്കണം. ഒരു ചീനച്ചട്ടിയില്‍ എണ്ണ ചേര്‍ക്കാതെ മല്ലിപ്പൊടി, മുളകുപൊടി എന്നിവ ഇട്ടു ചൂടാക്കിയെടുക്കുക. മുകളിലെ കൂട്ടു തിളച്ചു വരുമ്പോള്‍ ഇതിലേയ്ക്ക് ചൂടാക്കി വച്ച പൊടികള്‍ ചേര്‍ത്തിളക്കുക. ഇത് അല്‍പം തിളച്ചു കഴിയുമ്പോള്‍ മീന്‍ കഷ്ണങ്ങള്‍ ചേര്‍ത്തിളക്കണം. പാകത്തിന് ഉപ്പും ചേര്‍ക്കുക. മീന്‍ വെന്ത് കറി ഒരുവിധം കുറുകിക്കഴിയുമ്പോള്‍ കറിവേപ്പില മുകളിലിട്ടു വെളിച്ചെണ്ണ മുകളില്‍ തൂകി വാങ്ങി വയ്ക്കാം. തണുത്തു കഴിഞ്ഞാല്‍ മീന്‍ മുളകിട്ടത് കൂടുതല്‍ രുചികരമാകും. എരിവ് കൂടുതല്‍ വേണമെന്നുള്ളവര്‍ ഇതനുസരിച്ച് പച്ചമുളകോ മുളകുപൊടിയോ കൂടുതല്‍ ചേര്‍ക്കാം. കപ്പയ്‌ക്കൊപ്പം കഴിയ്ക്കാന്‍ ഏറെ നല്ലതാണ് ഈ മീന്‍ മുളകിട്ടത്.

[Read More...]

മുട്ട ഉള്ളിവട

മുട്ട ഉള്ളിവട

ചേരുവകള്‍

മുട്ട-നാലെണ്ണം
ഉള്ളി അരിഞ്ഞത്- ഒരു കപ്പ്
പച്ചമുളക് മുറിച്ചത്-ആറെണ്ണം
ഇഞ്ചി ചതച്ചത്- ഒരു ടീസ്പൂണ്‍
വെളുത്തുള്ളി ചതച്ചത്-ഒരു ടീസ്പൂണ്‍
കറിവേപ്പില- രണ്ടെണ്ണം
കടലമാവ്- 100 ഗ്രാം
ഉപ്പ്-ആവശ്യത്തിന്
വെളിച്ചെണ്ണ- ആവശ്യത്തിന്

പാകം ചെയ്യുന്ന വിധം

മുട്ട പുഴുങ്ങി തൊടുകളഞ്ഞശേഷം ഒരോന്നും നാലു കക്ഷണം വീതമാക്കുക, ഒരു പാത്രത്തില്‍ പച്ചമുളക്, ഇഞ്ചി, വെളുത്തുള്ളി, കറിവേപ്പില, കടലമാവ്, ഉള്ളി , വെളിച്ചെണ്ണ എന്നിവ ചേര്‍ത്ത് നന്നായി കുഴയ്ക്കുക, അതിനുശേഷം ചെറുനാരങ്ങാവലുപ്പത്തില്‍ ചേരുവ എടുത്തു കൈവെള്ളയില്‍ പരത്തി അതില്‍ മുട്ടവച്ചു പൊതിയുക, ചൂടായ എണ്ണയില്‍ വറുത്തെടുക്കുക.

[Read More...]

Egg Roast

Egg Roast

(Mrs. K. M. Mathew)

Ingredients

3 eggs 1½ tsp chilli powder 1½ tsp coriander powder  1 tsp pepper powder  ½ tsp aniseed  1” cinnamon  2 Cloves  1 cardamom pod 6 tsp refined vegetable oil 1 cup onion, sliced ¼ cup tomato, chopped Salt to taste  ¼ cup water

Preparation

Hard boil and shell the eggs. Keep aside.  Grind to a paste the chilli powder, coriander powder, pepper powder, aniseed and all the spices.  Heat the oil and fry onion till transparent.  Add the ground paste and on low heat fry until oil oozes out.  Stir in the tomatoes and continue frying on low heat.  After the tomatoes are blended well, add salt and ½ cup water.  Cover and simmer till the gravy is thick.  Halve the eggs and arrange on a serving dish.  Pour the gravy over. Serve hot. To serve 6

[Read More...]

ചില്ലി ചിക്കൻ

ചേരുവകള്‍

• കാപ്സികം മൂന്ന്എണ്ണം,
• സവാള മൂന്ന് എണ്ണം,
• മുട്ട മൂന്ന് എണ്ണം,
• കോണ്‍ഫ്ലോര്‍ അഞ്ചു ടി സ്പൂണ്‍,
• തക്കാളി സോസ് അമ്പതു മില്ലി,
• സോയ സോസ് നൂറു മില്ലി,
• ചില്ലി സോസ് ആവശ്യത്തിന്,
• ചിക്കന്‍ വളരെ ചെറുതായി നുറുക്കിയത് അരകിലോ,
• ഫുഡ്‌ കളര്‍ ചുമപ്പ്,
• മൈദാ മാവ്.

ഉണ്ടാക്കുന്ന വിധം

കാപ്സികം ,സവാള എന്നിവ തുല്യ വലിപ്പത്തില്‍ മുറിക്കുക, ചതുരത്തില്‍ആയാല്‍ വളരെ നന്ന് സവാള പാളികളായി പൊളിച്ചാല്‍ വളരെ എളുപ്പത്തില്‍ നല്ല ആകൃതിയില്‍ കട്ട്‌ ചെയ്ത് എടുക്കാം.

അതിനു ശേഷം ഒരു ചെറിയ പാത്രത്തില്‍ മുട്ടകള്‍ പൊട്ടിച്ചു കോണ്‍ ഫ്ലോറും മൈദയും ചേര്‍ത്ത് നന്നായി മിക്സ്‌ ചെയ്യുക.

ചുമന്ന കളര്‍ചേര്‍ത്ത്അതിനകത്ത് ചെറുതായി നുറുക്കിയ ചിക്കെന്‍ കഷണങ്ങള്‍ ഇട്ടു വയ്കുക.

കുറച്ചു സമയത്തിന് ശേഷം മുക്കിവെച്ച ചിക്കന്‍ തിളച്ച എണ്ണയില്‍ വറുത്തു കോരി മാറ്റി വെക്കുക.

അതിനു ശേഷം മുറിച്ചു വച്ച കാപ്സികം ഒരു ഫ്രയിംഗ് പാനില്‍ കുറച്ചു എന്നയെടുത്തു വഴറ്റി എടുക്കുക കാപ്സികം ചെറുതായി ഒന്ന് വാടുക മാത്രമേ ചെയ്യാവൂ.

അതിനു ശേഷം സവാളയും ഇത് പോലെതന്നെ വഴറ്റി എടുക്കുക.

ഇനി വലിയ ഒരു പാത്രത്തില്‍ നാനൂറു മില്ലി വെള്ളമെടുത്തു അതില്‍ അഞ്ചു ടേബിള്‍ സ്പൂണ്‍ കോണ്‍ ഫ്ലോര്‍ ചേര്‍ത്ത് തീയില്‍ വച്ചു ഇളക്കി ക്കൊണ്ടിരിക്കുക അത് ചെറുതായി കുറുകാന്‍ തുടങ്ങുമ്പോള്‍ വറുത്തു മാറ്റി വച്ചിരിക്കുന്ന ചിക്കെന്‍ അതിലേക്കു ഇടുക ശേഷം മാറ്റി വച്ചിരുക്കുന്ന കാപ്സിക്കവും സവാളയും അതില്‍ ചേര്‍ത്ത് മെല്ലെ ഇളക്കുക.

ഇനി ഇതിനകത്ത് ചില്ലി സോസ് ,സോയ സോസ് ,തക്കാളി സോസ് എന്നിവ ചേര്‍ത്ത് ഒന്നുകൂടി മിക്സ്‌ ചെയ്യുക ,ഉപ്പു പോരെങ്ങില്‍ ആവശ്യത്തിന് ഉപ്പ് ചേര്ക്കുക.  

[Read More...]

ചീര തോരന്‍

ചീര തോരന്‍

ചേരുവകള്‍

ചീര – അര കിലോ
തേങ്ങ ചിരവിയത് – ഒരു കപ്പ്
പച്ചമുളക് ചെറുതായി അരിഞ്ഞത് – മൂന്ന്
സവാള ചെറുതായി അരിഞ്ഞത് – രണ്ട്
ചുവന്നുള്ളി – 4 എണ്ണം
വെളുത്തുള്ളി – 3 അല്ലി
മുളക്പൊടി – ഒരു ടീസ്പൂണ്‍
മഞ്ഞള്‍പ്പൊടി – അര ടീസ്പൂണ്‍
കടുക് – ആവശ്യത്തിന്
കറിവേപ്പില – ആവശ്യത്തിന്
എണ്ണ – രണ്ട് ടേബിള്‍ സ്പൂണ്‍
ഉപ്പ് – പാകത്തിന്

തയാറാക്കുന്ന വിധം

ചീര ചെറുതായി അരിഞ്ഞെടുക്കുക. എണ്ണ ചൂടാക്കി കടുക് വറക്കുക. ഇതിലേക്ക് കറിവേപ്പില, ചുവന്നുള്ളി, വെളുത്തുള്ളി, പച്ചമുളക് എന്നിവ അരിഞ്ഞത് ചേര്‍ത്ത് വഴറ്റുക. ഇതിലേക്ക് മുളകുപൊടിയും മഞ്ഞള്‍പൊടിയും ചേര്‍ക്കുക. പൊടികള്‍ മൂത്തു കഴിയുമ്പോള്‍ ചെറുതായി ഒന്ന് ചതച്ച തേങ്ങയും അരിഞ്ഞ സവാളയും ചേര്‍ത്ത് ഇളക്കുക. ഇതിലേക്ക് ചീരയിലയും ആവശ്യത്തിന് ഉപ്പും ചേര്‍ത്ത് ഇളക്കി മൂടി വച്ച് വേവിക്കുക. പാകത്തിന് ചീര വെന്തുകഴിഞ്ഞാല്‍ വാങ്ങി വയ്ക്കാം.

[Read More...]