ഗുലാബ് ജാം / Gulab Jam

ഗുലാബ് ജാം

ആവശ്യമായ ചേരുവകള്‍ 

1. പാല്‍പൊടി 120 ഗ്രാം
2. മൈദ 120 ഗ്രാം
3. ബേക്കിങ് പൗഡര്‍ 1 1/2 ടീസ്പൂണ്‍
4. പഞ്ചസാര 60 ഗ്രാം
5. പാല്‍ 50 മില്ലി
6. റോസ് എസ്സന്‍സ് കുറച്ചു തുള്ളി
7. നെയ്യ് വറുക്കുന്നതിന്
8. വെള്ളം 50 മില്ലി

പാകം ചെയ്യുന്നവിധം

1. പാല്‍പൊടി, മൈദ, ബേക്കിങ് പൗഡര്‍ , നെയ്യ്, പാല് എന്നിവചേര്‍ത്ത് മയമുള്ള ഒരു മാവ് തയ്യാറാക്കുക.
2. ഇതു നല്ലതുപോലെ കുഴച്ചശേഷം 20 ചെറിയ ഉരുളകള്‍ ഇതില്‍നിന്നും ഉരുട്ടുക.
3. ഇത് നെയ്യില്‍ കരിയാതെ വറുത്തുകോരുക.
4. പഞ്ചസാരപ്പാനി തയ്യാറാക്കി അരികില്‍വച്ചിട്ട് വറുത്തുകോരുന്ന ഓരോന്നും പാനിയിലിടുക.

[Read More...]

സ്വീറ്റ് ഇല അട / Sweet Ela Ada

സ്വീറ്റ് ഇല അട

ആവശ്യമായ സാധങ്ങള്‍

തരിയുളള അരിപ്പൊടി -2കപ്പ്
പഞ്ചസാര -2ടേബിള്‍ സ്പൂണ്‍
തേങ്ങ ചിരവിയത് -ഒരു കപ്പ്
പൂവന്‍ പഴം ഞരടിയത് -ഒരു കപ്പ്
ഏലയ്ക്കാപൊടി -1/4 ടീസ്പൂണ്‍
ഉപ്പ് -പാകത്തിന്

പാകം ചെയ്യുന്നവിധം

പഴം ഞരടിയത്, അരിപ്പൊടി, പഞ്ചസാര, ഏലയ്ക്കാപൊടി, പാകത്തിന് ഉപ്പ് ഇവയും ആവശ്യമെങ്കില്‍ അല്‍പം വെള്ളവും ചേര്‍ത്ത് അടയുടെ പാകത്തിന് അയവില്‍ കുഴയ്ക്കുക. എണ്ണ പുരട്ടിയ തവയില്‍ രണ്ടുവശവും മൊരിച്ച് ചുട്ടെടുക്കുക.

[Read More...]

മട്ടണ്‍ സ്‌റ്റൂ / Mutton Stew

ആവശ്യമുള്ള സാധനങ്ങള്‍

• മട്ടണ്‍(കഴുകി വൃത്തിയാക്കി ചെറുതായി
• മുറിച്ചത്‌) - 1 കിലോ
• സവാള (നാലായി മുറിച്ചത്‌)- 2 കപ്പ്‌
• ഉരുളക്കിഴങ്ങ്‌ (നാലായി മുറിച്ചത്‌) - 2 കപ്പ്‌
• ഇഞ്ചി - ചെറിയ കഷണം
• പച്ചമുളക്‌ - 10 എണ്ണം
• തേങ്ങ - 1(പിഴിഞ്ഞ്‌
• ഒന്നും രണ്ടും പാലെടുക്കുക)
• മഞ്ഞള്‍പ്പൊടി - 1/4 ടീ സ്‌പൂണ്‍
• കുരുമുളകുപൊടി - 1ടീ സ്‌പൂണ്‍
• അരിപ്പൊടി - 2 ടീ സ്‌പൂണ്‍
• വെളിച്ചെണ്ണ- പാകത്തിന്‌
• വറ്റല്‍മുളക്‌ - 3 എണ്ണം
• കടുക്‌ - 1 ടീസ്‌പൂണ്‍
• ഉപ്പ്‌ - പാകത്തിന്‌

തയ്യാറാക്കുന്ന വിധം

പച്ചമുളക്‌, ഇഞ്ചി എന്നിവ ഒരുമിച്ച്‌ ചതച്ച്‌ ഇറച്ചി, ഉരുളക്കിഴങ്ങ്‌, സവാള എന്നിവയോടൊപ്പം പാകത്തിന്‌ ഉപ്പും വെള്ളവും ഒഴിച്ച്‌ വേവിക്കുക. വെള്ളം വറ്റുമ്പോള്‍ ഇറക്കി വച്ച്‌ രണ്ടാംപാല്‍ ഒഴിക്കുക. ചീനച്ചട്ടി അടുപ്പില്‍ എണ്ണയൊഴിച്ചു കടുകുപൊട്ടിച്ച്‌ വറ്റല്‍ മുളക്‌ ചേര്‍ത്തു വഴറ്റുക. ഇതിലേക്ക്‌ ഇറച്ചിയിട്ട്‌ കുരുമുളകുപൊടി, മഞ്ഞള്‍പ്പൊടി എന്നിവ ചേര്‍ത്തിളക്കുക. രണ്ടാം പാല്‍ വറ്റുമ്പോള്‍ ഒന്നാം പാലില്‍ അരിപ്പൊടി കലക്കി ഇറച്ചിയില്‍ ചേര്‍ത്തിളക്കുക. ചൂടോടെ വിളമ്പാം.

[Read More...]

മലബാറി കൊഞ്ചുബിരിയാണി / Malabar Konchu Biriyani

മലബാറി കൊഞ്ചുബിരിയാണി

ആവശ്യമായ സാധനങ്ങള്‍

ബിരിയാണി മസാലയ്ക്ക്
1. പെരുംജീരകം 1/2 ടീസ്പൂണ്‍
2. ജീരകം 1/2 ടീസ്പൂണ്‍
3. സജീരകം 1/2 ടീസ്പൂണ്‍
4. ഗ്രാമ്പു 4 എണ്ണം
5. ഏലയ്ക്ക 1
6. കറുവപ്പട്ട 1 കഷണം 1
7. ജാതിക്ക 1 ചെറിയ കഷണം
8. ജാതിപത്രി 1
ഇതെല്ലാംകൂടി പൊടിക്കുമ്പോള്‍ 2 ടീസ്പൂണ്‍ കിട്ടും ഇതില്‍നിന്നും 1 1/2 ടീസ്പൂണ്‍ എടുക്കുക.

അരിക്ക്
1. ബസുമതി റൈസ് 2 കപ്പ്
2. വെള്ളം 4 കപ്പ്
3. കറുവപ്പട്ട 1 ‘ കഷണം 1
4. ഗ്രാമ്പു 2
5. ഏലയ്ക്ക 3
6. സവാള (നീളത്തിലരിഞ്ഞത്) 2 കപ്പ്
7. നെയ്യ് 3 ടേബിള്‍സ്പൂണ്‍

ചെമ്മീന്‍ മസാല
1. ചെമ്മീന്‍ 1/2 കിലോ
2. മുളകുപൊടി 1 ടീസ്പൂണ്‍
3. മഞ്ഞള്‍പൊടി 1/2 ടീസ്പൂണ്‍
4. ഉപ്പ് പാകത്തിന്
5. എണ്ണ (ചെമ്മീന്‍ വറുക്കുന്നതിന്) 3/4 കപ്പ്
6. സവാള (കനം കുറച്ചരിഞ്ഞത്) 2 കപ്പ്
7. ഇഞ്ചി (അരിഞ്ഞത്) 3 ടേബിള്‍സ്പൂണ്‍
8. വെളുത്തുള്ളി (അരിഞ്ഞത്) 3 ടേബിള്‍സ്പൂണ്‍
9. പച്ചമുളക് 10 എണ്ണം
10. മല്ലിപ്പൊടി 2 ടീസ്പൂണ്‍
11. തക്കാളി (അരിഞ്ഞത്) 1
12. ബിരിയാണി മസാല 1 1/2 ടീസ്പൂണ്‍
13. വെള്ളം 1/2 കപ്പ്
14. നാരങ്ങാനീര് 2 ടേബിള്‍സ്പൂണ്‍
15. മല്ലിയില (അരിഞ്ഞത്) 1/2 കപ്പ്
16. പുതിനയില (അരിഞ്ഞത്) 1/4 കപ്പ്
17. നെയ്യ് 4 ടേബിള്‍സ്പൂണ്‍

പാകം ചെയ്യുന്നവിധം

1. ബിരിയാണി മസാല ചൂടാക്കി പൊടിക്കുക.
2. ചെമ്മീന്‍ മഞ്ഞള്‍പൊടി, മുളകുപൊടി, ഉപ്പ് എന്നിവ തിരുമ്മിവയ്ക്കുക.
3. അരി കഴുകി കുതിര്‍ത്തു വാരിവയ്ക്കുക.
4. നെയ്യ് ചൂടാക്കി കശുവണ്ടിയും ഉണക്കമുന്തിരിയും വറുത്തുകോരുക.
5. രണ്ടു കപ്പ് സവാള വഴറ്റിയശേഷം കോരിവയ്ക്കുക.
6. കഴുകിവാരി വച്ചിരിക്കുന്ന അരിയിട്ടുവറുക്കുക.
7. 4 കപ്പ് വെള്ളം തിളപ്പിക്കുക. വെള്ളത്തില്‍ കറുവപ്പട്ട, ഗ്രാമ്പു, ഏലയ്ക്ക ചേര്‍ക്കുക.
8. തിളച്ചവെള്ളം അരിയിലേക്കൊഴിച്ച് ചെറുതീയില്‍ അരി വേവിക്കുക.
9. ഇഞ്ചി, വെളുത്തുള്ളി, പച്ചമുളക്, പുതിനയില, മല്ലിയില ഇവ അരയ്ക്കുക.
10. മാരിനേറ്റ് ചെയ്തുവച്ചിരിക്കുന്ന ചെമ്മീന്‍ എണ്ണ ചൂടാക്കി വറുത്തുകോരുക.
11. ഈ എണ്ണയിലേക്ക് 2 കപ്പ് സവാള അരിഞ്ഞുവച്ചിരിക്കുന്നതു ചേര്‍ത്തു വഴറ്റുക.
12. ഇഞ്ചി, വെളുത്തുള്ളി, പച്ചമുളക്, മല്ലിയില, പുതിനയില, അരച്ചുവച്ചത് ചേര്‍ത്തുവഴറ്റുക. ഒരു തക്കാളി അരിഞ്ഞതും ചേര്‍ത്തുവഴറ്റുക.
13. മല്ലിപ്പൊടി ചേര്‍ത്തു വഴറ്റിയശേഷം 1/2 കപ്പ് വെള്ളവും ചേര്‍ക്കുക.
14. ഗ്രേവി കുറുകുമ്പോള്‍ വറുത്തുവച്ചിരിക്കുന്ന ചെമ്മീന്‍ ചേര്‍ക്കുക.
15. നാരങ്ങാനീരും ബിരിയാണിമസാലയും ചേര്‍ത്തു നല്ലതുപോലെ ഇളക്കിയിട്ട് അടുപ്പില്‍നിന്നും വാങ്ങുക.
16. ഒരു വലിയ പാത്രത്തില്‍ 2 ടേബിള്‍സ്പൂണ്‍ നെയ്യൊഴിക്കുക.
17. വേവിച്ചുവച്ചിരിക്കുന്ന അരി പകുതി നിരത്തുക.
18. അതിനു മുകളിലായി ചെമ്മീന്‍ മസാലയോടുകൂടി നിരത്തുക.
19. വീണ്ടും കുറച്ച് മല്ലിയിലയും പുതിനയിലയും വിതറുക.
20. അതിനു മുകളിലായി ബാക്കിയിരിക്കുന്ന വേവിച്ച അരിയും നിരത്തുക.
21. ഏറ്റവും മുകളിലായി വറുത്തുവച്ചിരിക്കുന്ന സവാളയും കശുവണ്ടിയും കറുത്തമുന്തിരിയും വിതറിയിട്ട് ബാക്കി 2 ടേബിള്‍സ്പൂണ്‍ നെയ്യും ഒഴിച്ച് നല്ലതുപോലെ അടച്ച് 5 മിനിറ്റ് ചെറുതീയില്‍ വയ്ക്കുക.

[Read More...]

മൈദ വിഷു അട / Vishu Ada

മൈദ വിഷു അട

ആവശ്യമുള്ള സാധനങ്ങള്‍

മൈദ- രണ്ട്‌ കപ്പ്‌
തേങ്ങ ചിരകിയത്‌- രണ്ട്‌ കപ്പ്‌
ശര്‍ക്കര- 200 ഗ്രാം
ഏലയ്‌ക്കപ്പൊടി - രണ്ട്‌ ടീസ്‌പൂണ്‍
വെള്ളം- ഒരു കപ്പ്‌
വാഴയില- ആവശ്യത്തിന്‌

തയാറാക്കുന്ന വിധം

ഒരു പാത്രത്തില്‍ 50 മില്ലിലിറ്റര്‍ വെള്ളമെടുത്ത്‌ ശര്‍ക്കര കലക്കി തിളപ്പിക്കുക. ലായനി കുറുകിത്തുടങ്ങുമ്പോള്‍ അടുപ്പില്‍ നിന്ന്‌ വാങ്ങുക. ചൂടു പോയ ശേഷം അരിച്ചെടുക്കുക. ഈ ശര്‍ക്കരപാവിലേക്ക്‌ തേങ്ങ ചിരകിയതും ഏലയ്‌ക്കാപ്പൊടിയും ചേര്‍ക്കുക. ഒരു പാത്രത്തില്‍ മൈദയിട്ട്‌ തിളപ്പിച്ച വെള്ളം ചേര്‍ത്ത്‌ കുഴയ്‌ക്കുക. (ഒരുപാട്‌ വെള്ളം ചേര്‍ക്കരുത്‌). കുഴച്ച മാവ്‌ ഉരുളകളാക്കി വാഴയിലയില്‍ വച്ച്‌ പരത്തുക. അതിനു മുകളിലായി തേങ്ങചേര്‍ത്ത ശര്‍ക്കരപാവ്‌ ഇടുക. വാഴയില കുറുകെ മടക്കി ഇഡ്‌ഡലി കുട്ടകത്തില്‍ വച്ച്‌ ആവി കയറ്റുക. വാഴയിലയ്‌ക്ക് ബ്രൗണ്‍ നിറമാകുമ്പോള്‍ ഇറക്കി വയ്‌ക്കുക. ചൂടോടെ വിളമ്പാം.

[Read More...]